مو مشكله نبكي على موت غالي=المشكله لامن بكينا على حي


هذي حياتي ياعزيز وحالي=هذي ثلاث اسنين وانا ولا شي


تلعبي الدنيا على غير والي=بين الرجاء والياس والشمس والفي


عيا الزمن يجمع شتات الليالي=وانا ورب البيت ماقلت له عي


ماكنه الا واحدا من عيالي=اقول ماهي هي ويقول لا هي


طول المسافه حدني ورتكالي=واشعل قناديله على جرحي الني


الصبر ماقدر حدود انشغالي=والحظ الاقشر هيبته ولعت في


وانا مع الاثنين ضاع احتمالي=صلف الدروب معانده كل مابي


اي والله اني جيت ماني لحالي=كل الحواس الخمس في راحة ايدي


ضلعي متين وعزتي راس مالي=واحساسي اغنى من حواتم بني طي


جيت استشيرك يالرفيق الموالي=انت الامل من بعد رب الملا لي


وين الجواب وفين رد السؤالي=لا جارت الضلما على واهج الظي


في يوم مايحتاج غالي لغالي=ولاينفع الميت بكى واحداً حي