يابو مشاري راح بيتك مع السيل=الله يعوض خير يابو مشاري


مابقي الا صيحةٍ في دجا لليل=نسمع صدها في سكون الغداري


الوضع مؤسف والاماني محاميل=والحظ الاقشر بين بايع وشاري


على حساب ارواحنا والمحاصيل=زاد التلاعب والفساد الاداري


تحت صرير اقلامهم جمرة الويل=لها على وجه المواطن مواري


ابراج تبنا والمساحات بالميل=ومولات مفتوحه وشارع تجاري


نصف المدينه بأسم كعكي وقنديل=واللي بقى للحضرمي والبخاري


يابو مشاري لامتى طبعك حليل=غير من اسلوبك وخلك حضاري


اخر حدود المصلحه كذبة ابريل=واخر حدود الصبر قلب انتحاري


هذي علوم الكارثه بالتفصيل=والحل واضح في صحيح البخاري