لو تقسم الشرهه وجيه المعازيب=يبقى الوفاء شيمة رفيق لرفيقه


عز الله اني ماجهلت المواجيب=ولاني من اللي ينكرون الحقيقه


ياذيب تكفى وضح العلم ياذيب=لاتلحق الشرهه ملامه وضيقه


لن كان شايف في رفيقك عذاريب=عطني علومك والنوايا طليقه


بيني وبينك عهد مايقبل العيب=مضمونه افعال الرجال العريقه


بنيت لك بالقلب قصراً من الطيب=وزرعت بضلوع الوله لك حديقه


وقطعت حبل مروج الشك والريب=اللي يروج للعلوم الدقيقه


كله على شان الوفاء والمواجيب=وفزعة رفيقن مايخالف رفيقه