الهجال المهد نيوز

جديد كتاب ومقالات



جديد الأخبار

المتواجدون الآن


تغذيات RSS

عديت في عال الحجا
12-02-2010 01:00

عديت في عال الحجا تالي عصير=راسه ورا روس النوازي يبيني
في ماقعن ماحولي الا العصافير=على الشجر واسمع لهن رطيني
واظن في تكرار الاصوات تعبير=فرحه حزن او خوف من شي شيني
ومديت شوفي مع فياض وعثامير=والجو صافي والهوا مقتفيني
ولا شفت مخلوقن برجلينه يسير=وشهب السنين تشيَب المرضعيني
وتسابقن دموع عيني شخاتير=مثل المطر ينزل على الوجنتيني
باسباب مبدايه براس العواطير=وانشهد ان الرجم بيَح كنيني
ذكرني المرقاب وقتن وانا صغير=قبل الشعر في شاربي لا يبيني
وقت الصبا وامورنا بالتياسير=لا مشتكى منا ولا مشتكيني
نرعى دبشنا في ليال المخاضير=ونشرب حليب مهجرعات الحنيني
وسط الفياض اللي كستها النواوير=والسيل يجري والبدو مقبليني
وشوف البهم يتبع توال المظاهير=وبيت الشعر يبنى بجال البطيني
والنار شبوها وجاهم مسايير=والنجر صوته يجذب التايهيني
وتقابلوا على الدلال المباهير=رسلان فيهن كل شيئن ثميني
حب اليمن والهيل فيهن بتقدير=والقدر يطبخ فيه حايل سميني
ودارت سواليف الرجال المناعير=زحول الرجال مدلَهين الحزيني
والصبح يسرح مالهم بالعثامير=ماعنده الا مهلكات الجنيني
ولحدن على بنته بخايف من الغير=حسن النوايا سايده كل حيني
وشبابهم ما يعرفون العقاقير=ولا يعرفون مسلسلات اللعيني
وصلاة ربي عد وبل المزابير=على رسوله قدوت المسلميني

تعليقات 0 | إهداء 0 | زيارات 1702



  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في facebook


تقييم
1.01/10 (41 صوت)


Powered by Dimofinf cms Version 3.0.0
Copyright© Dimensions Of Information Inc.

الموقع الرسمي لقبيلة الهجال
(جميع المقالات تعبر عن وجهة نظر كاتبها)