يادار غرد جالك اليوم جنحان = غرد تراك بليلة العيد موعود


غرد وهيم ولو تمايلت طربان = ما يلحقك من عاقل القوم منقود


اليوم حتى الطفل فالمهد فرحان = وجاراه بالفرحه بساتين وورود


عم الفرح يادارنا كل الاركان = تعطري يادارنا بازرق العود


من الفرح كن المطر صب هتان = كن السحاب تسوقه لدارنا النود


هلت ثعوله سيل من غر الامزان = وسُرى يجاري لمعة بروقه رعود


هاذي مشاعرهم شباب ٍ وشيبان = لخصتها والا ترى باقي ٍ زود


باسم الهجال الفرع والاصل مطران = اهلاً هلا في جيتك تفرح وفود


يامرحبا فقلوبنا نبض شريان = ترحيب وافي ماله قياس وحدود


الضيف غالي والغلا دوم عنوان = وشلون ما نغليه والطيب مسنود


يالعبدليه ضيفك اليوم حوران = ضيف ٍ عزيز وفي سجاياه محمود


حر ٍ ولد حر ٍ سلايل كحيالان = فيصل ولد مشعل وابو جدهالعود


جامع مابين الجاه والعلم والشان = وله في صروح المعرفه يوم مشهود


من اسرة ال سعود ذرفين الايمان = ابوه مشعل والملك جده سعود


والجد الاخر مالك الطيب سلطان = هداج تيماء عد والعد مورود


متسلسله من راس قرم ٍ بليهان = عبدالعزيز اللي رسى كنه الطود


وحد وطنا وارتقى بين الاوطان = من ناس مغبوطا ً ومن ناس محسود


صقر الجزيره ياعسى داره جنان = له من قبيلتنا مواثيق وعهود


عهدا ً نصون الدار عن كل خوان = فينا الولاء موروث من اب وجدود


وختامها صلوا على نسل عدنان = شفيع هالامه بذل كل مجهود