يادخيل كب مغازل البنت يادخيـل=الموت والحرمـان فـي سلهمتهـا 


بنـت مواردهـا الشقـا والبهاذيـل=فيها حور وتـدس عيـب احولتهـا 


عمهوجة(ن) عسلوجة(ن) فاترة حيل= تسبى القلـوب بزينهـا واطخمتهـا


من حبها يادخيل من ويل في ويـل=يالله دخيلـك مـن قلـوب هوتهـا 


غاراتها تهلـك جميـع المحاصيـل= حتى القصور الشامخـات اهدمتهـا


يامـا احبلـت للطيبيـن المحابيـل=وعزي لمن هو طاح وسط اشبكتها 


وياما اطرحت من طيبين الرياجيل=وسط المحابـل بالحبـال احبلتهـا 


يادخيل مافي ولعة البنت تحصيـل=لاناشـت اللحيـه وراس اشعرتهـا 


الشجـره اللـي ماتظللـك تظليـل=لاترتجـي منهـا تطيـب اثمرتهـا 


والصحبه اللـي ماتبجلـك تبجيـل=وش عاد لو ترجى العوض بااخلفتها 


اشفق على رفقة رجـال مشاكيـل=العـز والنومـاس فـي مرافقتهـا 


يادخيل كب مغازل البنت يادخيـل=الموت والحرمـان فـي سلهمتهـا