يـالـيـل يـامـابـك مــــن الــهــم والــويــل=وجـو(ن)يـكــدر فـرحـتــي وانـسـجـامـي


جوك ظلام ويبهت الحال والحيل=ويوحش عيون فيك عيت تنامي


اشباح واصوات وخرافه وتهويل=واهني من هو فيك بالنوم نامي


ياليل ياليل الشقا والبهاذيل=مالك قوانين(ن) ولالك نظامي


ضيقت قدمي واسعات المداخيل=ان رحت يم الشرق وان رحت شامي


لولا القمر ومجملك خيرتجميل=كان الفرح مقتول والابتسامي


ولولا النجوم اللي سواة القناديل=كان الامل ضايع بغدرا الظلامي


ياليل ياللي ذقت منك الغرابيل= شبيت نار الهم داخل عظامي


ابطيت اردد فيك مااطولك ياليل=واقول يالله فزعتك ياسلامي


متى ظلام الليل ينزاح ويزيل= ويبين نور الصبح عقب الظلامي


ياليل يامابك من الهم والويل=وجو(ن)يكدر فرحتي وانسجامي