الهجال المهد نيوز

جديد كتاب ومقالات



جديد الأخبار

المتواجدون الآن


تغذيات RSS

10-14-2010 12:22

سلمان انا اخو(ن) لك يودك ويغليك=ماينمحي وسط الضمايـر غلاكـا 
اطلب عسى الله درب الايمان يهديك=الله على الدرب الصواب ايهداكـا
لاتحسبني لا قسى الوقـت ناسيـك=لاوالـذي يعلـم بخافـي خفاكـا
سلمان عندي لـك وصـاة تقديـك=يشرق مشارق نورها في سماكـا
لاتحسبن الطيـب بالهـرج ياتيـك=لاصارما تبـدي لضيفـك سخاكـا
وترى المراجل كايده دون تشكيـك=ماهي بلبس(ن) لالبستـه زهاكـا
ولاتحسبن الوقت يمهـل ويعطيـك=الوقت ما يمهل الى مـن عطاكـا
العمر يمضـي والمنايـا مداريـك=ماينفعك ياليت اذا المـوت جاكـا
اغنم شبابك قدمك الشيـب قافيـك=واجعل صلاة الفرض غاية مناكـا
الله ألى منّه نوى الخيـر يعطيـك=واظهرلرب البيـت كامـل ولاكـا
صوم رمضان وحج واطيع واليـك=واطلب ولي الكـون يقبـل دعاكـا
واحذر بليس بحفرة النار يرميـك=يرميك فـي نارالعصـاة الهلاكـا
رافـق رفيـقٍ بالمعالـي يعّليـك=اللـي ليـا منّـك زهمتـه لفاكـا
ماهـو رفيـقٍ بالرّديـه يرديـك=اللي ليـا جـت اللـوازم جفاكـا
واصحى ترافق واحد(ن)ما يدانيـك=خله وجنّب واحـد(ن) مـايباكـا
ووسط المجالس لاتخالف هقاويـك=حتى ايتعلا في العـرب مستواكـا
واحذر تطيح بمبرمـات الشرابيـك=وزن خطا رجلـك بقـدرة خطاكـا
والضيف قّدم واجبه يـوم يلفيـك=لاتستهيـن بواجبـه مـن رداكـا
وارفع مقامك عن مقام الصعاليـك=ناس(ن) نباهم مـا يلايـم نباكـا
وابوك وامّك يرتجون (ل) حسانيك=قّّدم لهم ما كـان واجـب علاكـا
واعمل بها الدنيا وطيّب مساعيـك=قدام يوم(ن) فيه تنطـق عضاكـا
لاجا نهار(ن) فيه تكشف خوافيـك=من هوله عيـون الخلايـق تباكـا
الرب مالـك والخلايـق مماليـك=سبحانه اللي مـا بحكمـه شراكـا
يارب ترحم ضعفنا يـوم نرجيـك=ياواحد (ن) ماخاب عبد (ن) رجاكـا
تمت وصلوا عد ما يصرف الشيـك=على النبي اعـداد عـود الأراكـا

تعليقات 0 | إهداء 0 | زيارات 966



  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في facebook


تقييم
1.00/10 (13 صوت)


Powered by Dimofinf cms Version 3.0.0
Copyright© Dimensions Of Information Inc.

الموقع الرسمي لقبيلة الهجال
(جميع المقالات تعبر عن وجهة نظر كاتبها)