عزي لبنت فاقده شوف شوقها=والهم والضيقه يلاوع خفوقها


بنت لكاسات المراره تجرعت=واثيابها مااحد(ن) يخيط فتوقها


بنت جميله ماادركوها هل الغزل=ولا تروق غير للي يروقها


كم واحد جاها وعافت فعايله =الا لمتعب عزها وامعشوقها


بنت عزيزه منوة اللي يبونها= ولاشامت الا لعين من هو يشوقها


شامت لمتعب راعي الطيب والثنا=اللي يصون امورها ما يبوقها


ماهي ببنت آدميه من الملا=اللي مجاري دمها في عروقها


(.......)فيها المذاهب تغيرت=وازريت اميز كذبها من صدوقها


لن رحت انا وقدمت شئ يخصني=جات الأوامر فوق شئ يفوقها


كم مرة قدمت فيها مطالبي=ألا ويجيها شئ لازم يعوقها


تكفى تسلم يالرويلي زمامها=احفظ مكانتها وخلص حقوقها


تستاهل اللي فوق متنك تشيلها=لاقت لك النجمات وانته تلوقها


وانته من رجال عريبه معربه= من روس ويلان وساع طروقها


تمت وصلى الله على هادي الورى=عدد غياب الشمس وايضا شروقها