الهجال المهد نيوز

جديد كتاب ومقالات



جديد الأخبار

المتواجدون الآن


تغذيات RSS

10-14-2010 12:18

ياطير ياللي فوق الاغصان نغاط=حسيتني ياطير والقلب غاطي
ايقظت في قلبي هواجيس اغطاط=وبيّن عليّ الهم والانحطاطي
كنّه يلعّط محجر العين لعّاط=كدّر عليّه صفوتي وانبساطي
والقلب كن ابداخله حد مشراط=رمح الزناتي بين الاضلاع ساطي
والسهر ليّ الحاف وهمومي ابساط=حاضر معي في قيض والا شباطي
في داخلي جرح من العام ما خاط=جرح على الدكتور صعب يخاطي
ماهو هوى اللي كدّن الشعر بمشاط=نجل العيون مضمرات الوساطي
هذا زمان ما ترى غير الاغلاط=فيه انقلابه واختلاف وتواطي
فيه الاسد والنمر مربوط برباط=وعلى الثنينه شايخات القطاطي
وقت سلاطينه تخريط تخرياط=وسادوا عليهم جامعين القواطي
وقت على المسلم تسلّط تسلاّط=أشدّمن ضرب الجسد بالسياطي
وقت يخلّي صاحب العقل فااحباط=خلاّ قرانيس المواكر بطاطي
ماعاد للطيّب على المجد مقلاط=كل قطع عنّه جميع ارتباطي
والا الردي لو هو ورا طلعة الغاط=كل يجيه وصافط(ن) له صفاطي
حتى المجالس ما بها غير الالغاط=يالله دخيلك من كثير اللغاطي
وجه الرضا ماعاد يعرف والاسخاط=تساوت اوجيه الرضا والسخاطي
ماعاد يسوى وقتنا عود شخّاط=وجه الحقيقه ما غطته الغواطي
تم الكلام اللي نظمته على اط=شطر على اط وشطر على اطي
من هاجس ما يفحمه طول الاشواط=غير الاساسي دكّت الاحتياطي
هذا كلامي مانقص لوّ قيراط=حبّيت اوضّح فيه بعض النقاطي

تعليقات 0 | إهداء 0 | زيارات 964



  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في facebook


تقييم
1.00/10 (6 صوت)


Powered by Dimofinf cms Version 3.0.0
Copyright© Dimensions Of Information Inc.

الموقع الرسمي لقبيلة الهجال
(جميع المقالات تعبر عن وجهة نظر كاتبها)