الى ضاق بك وقتك وعينك جفاها النوم=وهمـك بقلبـك زود الوقـت لاهوبـه 


وبانت من ظروف الليالي عليك ثلـوم=وصارت مصابيح الفرح عنك محجوبه


تنص الرجال اهل الكرم فزعة المظلوم=رجال فعايلهـم مـع العالـم اعجوبـه 


مثل ناهس اللي في المواقف قوي عزوم=كريم الخصايل مذري اللـي تذروبـه


شجاع لروس الشامخات الطوال يـروم=كريم حليـم وافـي امعـرب انسوبـه


حشيم وعند العالـم مقـدر ومحشـوم=وشخصيته بيـن المخاليـق محبوبـه


على الناس متواضع ولافيه كبر وزوم=ولاهو من اللي بالكبر ساحـب ثوبـه


جنابه دماث وسيرتـه كنهـا اليشمـوم=ولاعمر احد جاله ولااعطـاه مطلوبـه


على الطيب يمشي مامشى منهج مذموم=دروب المراجل هي هقاويـه ودروبـه 


وطيبه عباة تكسي اللي بـدون هـدوم=ياكم واحد فـرج لـه الهـم وكروبـه 


ويستاهل اللي فوق متنه ثـلاث نجـوم=نجوم تلالا كنهـا المـاس مضروبـه 


له الود والتقدير في كـل ليـل ويـوم=وله الرايه البيضا على العز منصوبـه 


لعل الله ايحفظه وعمره عسـاه يـدوم=وعسى الله يغفرلـه مساويـه وذنوبـه 


وانايومي امدح حضرته ماني بمليـوم=عسى الله يجملني علـى رد ماجوبـه 


كتبت القصيدة من هجوسي وانا ملزوم=بريح الخزامى والرياحيـن مصحوبـه