وطفله من قراح حروفها يقطر زلال الصوت=ليامنك سمعت علومها كنك بتشربها


ليامن قلت ياحلوه تفل حجاجها المعفوت=واذا قالت انا عذبه تقول الله مااعذبها


حشا ماينتوصف حبها وودادها بالموت=لانه لو عشقها الميت يحيا من سبايبها


تهل الضحك من فمها على الجرد وتصير نبوت=ولوتاطا على صم الصخر يخضر جانبها


براءه في براءه في براءه كنها الكتكوت=وطله كنها طلة سحابه في سما ابها


وسحرن عنه مايدري لاهاروت ولاماروت=اذا نادت تقوم لها عروستها تلاعبها


نفسها نكهة النعناع وبوستها بطعم التوت=وعضه كنها البوسه على يدي تجربها


عسفت الحرف لرضاها وشيدت القصيد بيوت=ولوتامر للحنها واغنيها ولطربها


حفظها اللي حفظ طفلن صغيرن داخل التابوت=لبوها وامها واخوانها ولكل اقاربها