بين صـكـات الـزمـان وبين مـيـلـه وعـتـداله =غـطـرفـت سـود اللـيـال ودق ناقوس الخطر


وبين تشتييت الهجوس وبين قلبي وحتماله= ساقني صـدق الشـعور وقـلت لي وجهة نظر


وبين جمع المـسـتـحيل وبين ضرب الاستحاله =مـابـقـى فـي داخلـي شــيـاً الاقـي لـه عذر 


مـابـقى فـي عـلـبـة الكـبريت غير الاشتعاله= في صـنـاديـق الـقـلـوب اللي يـفجرها القهر


سـجـل الـتـاريـخ دوره سـمـيـت بالانـتـقاله= من نـتـائجها نشوف الـثـلـج يـتحول جـمر


كـل شـيـاً صـار جـأيـز فـي زمـان الـبـرتقاله =مـابـقى شـيـاً غـريـب إبها الزمان الا ظـهـر


زادة اسعار المعـيـشـه والدهـر نـكـس عـقاله= صـار ثـقـلـه مـا تـشـيـلـه روسنا مثل الحجر


والـوظـايف صـنـفـوهـا بالـفلـوس وبالجماله =لا شــهـاده لا معـدل كـل شـي وً لـه سـعـر


وصـارت احوال الشـباب الطـيبين اخس حاله =الـشهـاده جـامـعـيـه والـوظـيـفـه مـنـتظر


يـنـتـظـر فـزعة ابوه ويـنـتـظـر فزعة خواله =يـنـتـظـر والانـتظـار بـذمـتي مـوتـاً حـمـر


لا تـلـومـون الـشـبـاب ان زاد حـره وانفعاله= الـلـه اعـلـم مـالـه الا امـريـن لا ضـاع الصبر


ياحـرامي دارس ادروب الـمـشـاكل والنذاله =ولا ارهـابـي مـلـى بـالـغـيـض قـلـبه ونتحر


جـمـعـو كـل الـمصادر في صدى حل البطاله= وعـلـنـوهـا بـالاحـالـه فـي خـتـام الـمـؤتمر


غرني طـيب الوجيه وشفت مضمون الاحاله= نـعـنـبـوهـا مـن احالـه كـلـهـا ظـلـم وغدر


كـيـف نـرجـع للقـطاع الخاص في ظل العماله =بالامــانه كـيـف نـرجـع والـبـلـد كـلـه بشر


يـاكـلـون الـمـسـتـحـيل وغشهم كلاً صحاله =والـلـه انه مـثـل سـوسـاً داخل الحب انتشر


صـارة الـدعـوى تـجـاره وانـحـلالـه بـنحلاله =كـل سـوق وكـل شـارع فـيـه مـاتـلـقـى ممر


والـمـصـانـع والمـتـاجـر والتكاسي والـبقاله =حـتـى في سـوق الخـضار السـالفه ادهى ومر


لـو جـمعنا لـو حسبنا لـو درج حـبـل المحاله= وش نـقـول وش نـخـلـي سـلـم الـعد انكسر


حسبي الله في الجـدار اللي كـنفهم في ظلاله= مـا يـهـمـه غـيـر يـأخـذ حـصته بتلا الشهر


جـابـهـم شـخصاً غريباً ما يـحسب راس ماله =مـن وسـيـعـين البطون ومـن خبيثين الفكر


واحداًمـا هو مفـكـر وش حـرامـه من حلاله =مـأيـهـمـه مـأيـهـمـه لـو شـرب جـم البحر


عـانـقـه راس الـتـعـالـي وسـتـبـاحه بالازاله= مـأيـبي غـيـره على كـف البـسيطه منتصر


صـار من ظـلـمـه وجـوره كـل همه ونشغاله =كـيـف بـس يضحك الـدنيا على وجـه الفـقر


ويـنـكـم يـاهـل النظام وينكم ياهل الرساله =عـزنـا فـي مـمـلـكـتـنا يـا وسييعين الصدر


كـل داء ولـه دواه وكـل عـصــر ولــه رجـالـه =تـحـت ظـل الآ الـسـعـود اللي لنل عز وفخر


وقـفـو سـود الـقـلـوب ونـظـفـو كـل الـحثاله =ما غـسـل وجـه الـطـبـيـعـه غير زخات المطر


انـتـم اصـحـاب الـقـرار وكل رجل وله مجاله= وانـتـم اهـل المـعـرفـه والعـين يقداها النظر


في الـنهايه سامـحوني وعـذروني في الاطـاله= شـاعـراً عـنـده ضـمـيـر وقـال له وجهة نظر