وين انت ياملح القصيد اللي تنومس كل حال=عـطـنـي يـمـيـنك ياعنيد وخل عنك الثرثره


ودي اسـجـل مـوقـفـي مـن بعد ماجالي مجال=مـاني مـن اللي وان حضـر يقفي ولحدا يذكره


الـبـارحـه سـمـعـتـلي موال من نسج الخيال=عـلى هـذيـك الـدبـكـه اللي للـيـلها يامقشره


شـيـا يـقـال وشـي مـنـهـا يـاجـمـاعه مايقال=رغم ان بعض الناس منه الهرج مانســتكثـره


ياهيه ياللي منت عارف ويش وقفات الهجـــال=اسمع كلامـي والعلـــوم مـورده ومصــــدره


حنا الرجال اللي لنا ماضــي وحاضــر لا يزال=صفحه عظيمه بالفـعول الشـامخات مسطــــره


الليــا وقفنـا ضلـع شامـخ لايـطــال ولاينــــال=واليـا نوينـا ما تشــوف الا السيـول مدحـدره


مصبغـين ثيـابنـا وقــــت المـنــازل والقتـــال=يشـهد لنا راس الـقـرى من اولـــه ليـن اخره


فيـنا كـرم فـيـنـا وفـا فـيـنـا جـزيلات الخصال=عـزوه تـنـومـس كـلـبـوها مفـخـره في مفخره


والله عـطـانـا عـز نـفـس وبـعـد راي وطول بال=الـورع مـنـا لـو ثـلاث سـنـيـن لا تـسـتـحـقره


يـالايـمـي في مـدحـهـم خـلك تحت في الظلال=والـيـا ذبـحـك الـجـوع عـود للـغـصون المثمره


والله مـاتـسـوى مـدقـه مـن مـدقـات الـهجال=اللـي لـيـا صـابـت عـظـم رجـال لازم تـكسره